ဘ၀အတွက်လိုနေတဲ့ မထူးခြားခြင်း ထူးခြားခြင်း။
မထူးခြားတော့ဘူး။
ဘ၀က ခွက်စုတ်တစ်ခုထဲက အမှိုက်တွေလို
ဖန်ခွက်ဝက ""လေ"" လာရှုနေတယ်....။
မထူးခြားတော့ဘူး။
ပုံမှန်ထားနေတဲ့ နေ့တိုင်းရဲ့ အချိန်တွေက
နေ့လည်(၁) နာရီမှာ အိပ်ရာက ထပြီး....
ဝင်ငွေမဲ့ အိပ်ကပ်ကို အတွေးအခေါ်လွတ်
ငွေကြေးတွေ ဖိသိပ်နေတယ်.....။
မထူးခြားတော့ဘူး..။
ယင်းထနေတဲ့ ငတ်မွတ်ခြင်းတွေက
ခုပုံဆိုရင်.....
ဧည့်သည်လုပ်ရင်း မသိမသာ အိမ်ရှင်ဖြစ်နေတာ
တရေးနိုးညက လရောင်ကြောင့်
ငါသိလိုက်တယ်...။
မထူးခြားတော့ဘူး.။
မျက်နှာတစ်ခု ပေါ်မှာ ကြွယ်ဝခြင်း အရိပ်ထင်နေတဲ့
ကွေးညွှတ်နေတဲ့ နှုတ်ခမ်းတစ်ဖက်မှာ
သနားလို့.....မသကာ လာချိတ်ရုံက
အထင်သေး အမြင်သေး ချိုးနှိမ်ခြင်းပဲ........။
မထူးခြားတော့ဘူး...မထူးခြားတော့ဘူး..။
ကဗျာဆရာ တစ်ယောက်ရဲ့ ""ဒုက္ခစရိယာ"" မှာ
ဘယ်တုန်းက ""လ "" သာဖူးလဲ.....?
စာရေးဆရာ တစ်ယောက်ရဲ့ ""ကိုယ်ကျင့်တရား"" ကို
ဘယ်တုန်းက မိုးတိမ်တွေ ဖုံးဖူးသလဲ.....? ။
ဒါပေမယ့်......။
ဆုံမှတ်တစ်ခုမှာ ဘာသာဗေဒ မဲ့နေတဲ့....ကဗျာတစ်ပုဒ်နဲ့
ပိုစ့်ဆန်ဆန် ရေးထားတဲ့...""၀တ္ထုစာသား"" တွေက...
ကြက်ဥပြုတ် တစ်လုံးရဲ့ အကာပေါ်မှာ
ကြိမ်းသေး မိတ်ဆွေဖွဲ့ အရာရာ ကို ဖန်ဆင်းကြတော့.....
သေချာပါတယ်....
မထူးခြားတာက
ရိုးရိုးသားသား စည်စည်ကားကား ဖြစ်သွားမယ့်.........
""အသုဘ"" တစ်ခု ဆိုတာပါဘဲ......
""ကဗျာ"" နဲ့""စာသား"" တွေကတော့
လောကမှာ အတိုင်းအတာ တစ်ခုအထိ ကျန်ရစ်မယ်လေ......။ ။
ကကြီး။kyagee13@gmail.com
(23.2.11)
No comments:
Post a Comment