ကျေးဇူးပြုသူနှင့် အပြုခံရသူ။
လူ့ ဘ၀ လူ့လောကတွင် ရပ်တည်ရှင်သန်နေကြသော လူဆိုသော လူများသည် ရှုပ်ထွေးပွေလီလှသည့် လူ့လောက၏
ထုံးစံအတိုင်း ဖြတ်သန်းရာ လမ်းတစ်လျှောက်တွင် အတည်မြဲ ခြင်း မရှိသော ဖြစ်ရပ်/ဖြစ်စဉ် များနှင့် မတွေ့ဖူးခဲ့ သော လူဟူ၍ မရှိနိုင်ပေ.........။
အဘယ့်ကြောင့်ဆိုသော် မိမိတို့ ရှင်သန် ရပ်တည်နေရသော လောက(၃) ပါး ဟူသော ဝေါဟာရ လောက သည် အစဉ်သဖြင့်ဖောက်ပြန် ပျက်စီးနေ၍ သာ ဖြစ်ပါသည်....။
ဘ၀ပုံစံ အမျိုးမျိုးနှင့် ရပ်တည်နေရသော လူတိုင်းတွင် ဒုက္ခနှင့် သုခ သည် အမြဲရှိနေနိုင် ပါသည်......။ ထို့အတူ မရှိခြင်း ရှိခြင်းသည်လည်း ဒွန်တွဲ၍ လူတိုင်း ၏ ထံပါးတွင် ရှိနေပါသည်.....။ ရှိခြင်းဟူသော ဝေါဟာရကို မိမိတို့ ပိုင်ဆိုင်နေရချိန်တွင် အရာ အတော်များများ ကို ဖန်တီးနေနိုင်သဖြင့် ဒုက္ခဆိုတာကို မတွေ့မထိရပေမယ့်.....မရှိဆိုသော ဝေါဟာရကို ပိုင်ဆိုင်လာရချိန်တွင်...
ဒုက္ခဆိုသော ခံစားမှု့ကို မလိုချင်လဲ လက်ခံ...လိုချင်လဲ မူသေကို လက်ခံရပါမည်...။
ထိုအခါ မရှိခြင်း၏ နောက်ဆက်တွဲ ဒုက္ခများ၏ သောက အကြီး...အသေး အလိုက် အခက်အခဲ ဟူသည် တွေ့ရတတ်ပါသည်...။
ထိုကဲ့သို့ အချိန်များတွင် မိမိ၏ ဒုက္ခကို မိမိ တစ်ဦးတည်း ဖြေရှင်းရန် မဖြစ်နိုင်တော့ သော အခါမျိုးတွင်.....မိမိ ကို ကူညီမည့် သူအား
ရှာရပါတော့ သည်.....။
ကူညီမည့် သူသည် မိမိ မောင်ဘွား၊ ဆွေးမျိုးသားချင်း၊ မိတ်ဆွေအပေါင်းအသင်း ထဲမှ ဖြစ်စေ.....တစ်စိမ်း တစ်ယောက်ဆီမှ ဖြစ်စေ...မိမိမှ မိမိ ရင်ဆိုင်ဖြေရှင်းနေရသော ဒုက္ခအတွက် အကူအညီ တောင်းမိ၍ ထို တစ်စုံတစ်ယောက်မှ စာနာထောက်ထားကာ
မိမိအား အကူအညီ ပေးခဲ့လျှင်......
ထိုသူသည်...ကျေးဇူးရှင် မည်ပါသည်....။
မိမိ သည် ""ကျေးဇူး အပြုခံရသူ"" ဖြစ်၍...မိမိ အား စာနာထောက်ထား၍ ကူညီသော သူသည် ""ကျေးဇူးပြုသူ"".. ဖြစ်ပါသည်။
အခက်အခဲ တစ်ခု ဖြေရှင်း ရာမှ ဖြစ်ပေါ်လာသော ...ကျေးဇူးအပြု ခံရသူနှင့် ကျေးဇူးပြုသူ....ဟူ၍ အသတ်မှတ်ခံရသူ နှစ်ဦးတွင်
မိမိတို့ နှစ်ဦး နှစ်ဖက် သဘောတူညီစွာ....ကူညီခဲ့၊ ကူညီခံခဲ့ သော်လည်း ပြုခဲ့ဖူးသော အထက်ပါ ဖြစ်ရပ် အတွက် နှစ်ဦး နှစ်ဖက်လုံး
တွင် စောင့်ထိမ်းရမည့် တာဝန်ရှိပါသည်...။
ဆိုလိုချင်သည်မှာ...။
ခပ်တိုတို ပြောပြရလျှင်......ကျေးဇူးအပြုခံရသောသူသည် မိမိအား ကူညီကျေးဇူး ပြုသူအား ပြန်လည်၍ ကျေးဇူးမဆပ်နိုင်လျှင်ရှိပါစေ....
စကားနှင့် ဖြစ်စေ.....လုပ်ရပ်နှင့် ဖြစ် တစ်စုံတစ်ရာသော ထိခိုက်မှု့ မျိုးဖြင့် ပြန်လည် မစော်ကားမိဖို့ အရေးကြီးပါသည်....
သတိထား၍ စောင့်ထိမ်းရပါမည်...။
ထို့အတူ....ကျေးဇူးပြုသူ ဘက်မှလည်း စောင့်ထိမ်းသင့်သော စိတ်ထားနှင့်လုပ်ရပ်မှာ...မိမိ ကျေးဇူးပြုခံထားရသူ
အပေါ်တွင်.....မိမိ ပြုခဲ့ဖူးသော ကျေးဇူးတရားနှင့် ဖိကာ စကားနှင့် ဖြစ်စေ....လုပ်ရပ်နှင့် ဖြစ်စေ....အနိုင်မကျင့်မိရန် ဖြစ်ပါသည်..။
လောကတွင် ကျေးဇူးတရား ဟူသည် တန်ဖိုးထားတတ်လျှင် လွန်စွာ အကျိုးသက်ရောက်မှု့ကို ပေးနိုင်၍... အသုံးမချတတ်လျှင် မူ များစွာသော ဆိုးကျိုးများကို ပေးနိုင်သည်ကို.....အထူးဂရုပြုမိကြနိုင်စေရန်....ရည်သန်၍ စာဖတ်ပရိတ်သတ်များ
အတွက်..ရေးသားလိုက်ရပါအံ့......။
ကကြီး။kyagee13@gmail.com(31.5.11)
%%%(ဤ မလှမပ ဆောင်းပါးလေးနှင့် ကကြီး၏ အွန်းလိုင်းအပေါ်မှ ခင်မင်ရင်းနှီးခဲ့သော ကျေးဇူးပြုသူ ကျေးဇူးရှင်များ အား
ဂါရ၀ ပြု အပ်ပါသည်..။)
No comments:
Post a Comment